Benzema Trezegedan o'zib ketdi

Frantsiya terma jamoasi hujumchisi Karim Benzema JCh-2022 saralash bosqichidan o'rin olgan Qozog'istonga qarshi o'yinda (8:0) ikkita gol muallifiga aylandi.

"Real" forvardining milliy jamoa safidagi gollari soni 35taga etdi. Ushbu ko'rsatkich bo'yicha u David Trezegedan (34) o'tib ketdi. Karim bu borada Frantsiya terma jamoasi tarixidagi to'purarlar ro'yxatida beshinchi o'ringa ko'tarildi.

To'purarlar poygasida Terri Anri etakchi bo'lib turibdi - 51 gol. Ikkinchi pog'onani Olive Jiru (46) egallab turgan bo'lsa, Antuan Grizmann (42) va Mishel Platini (41) kuchli beshlikka kirishgan.