Argentina va «PSJ» Messiga terma jamoadagi o'yini vaqtiga limit belgiladi

"PSJ" rahbariyati hujumchi Lionel Messi borasida Argentina terma jamoasi oldiga talab qo'ydi. Unga ko'ra, futbolchi JCh-2022 saralash bahslarida talab qilingan daqiqadan ko'proq o'ynamasligi kerak.

Aynan shu talab bajarilishi sharti bilan "Pari Sen-Jermen" Leoni terma jamoa ixtiyoriga qo'yib yubordi. Boisi, futbolchi jarohat tufayli klubning so'nggi 2ta uchrashuvini o'tkazib yuborgan va jarohatidan endi tiklanayotgan edi.

Demak, kelishuvga ko'ra, Lionel bir o'yinda 20 daqiqadan ko'p harakat qila olmaydi. "Albisileste" bu talabga amal qilgan holda Messini Urugvayga qarshi bahsning 76-daqiqasida maydonga tushirdi.

Argentina 16 noyabr kuni JCh yo'llanmasini naqd qilib bo'lgan Braziliyani o'z uyida qabul qiladi.