Frantsiya terma jamoasi futbolchisi rasmiy o'yinida so'nggi 36 yilda ilk marta xet-trik qayd etdi

Frantsiya terma jamoasi JCh-2022 saralash bosqichi doirasida o'z uyida Qozog'istonni qabul qilib, 8:0 hisobida g'alaba qozondi. Hujumchi Kilian Mbappe mazkur o'yinda o'z hisobiga 4ta gol yozdi.

Shu tariqa, «PSJ» forvardi Frantsiya terma jamoasi tarixida so'nggi 36 yilda rasmiy o'yinlarda nafaqat "poker", hattoki "xet-trik" qayd etgan ilk o'yinchiga aylandi. So'nggi marta Dominiku Roshto 1985 yilning 30 oktyabr kuni Lyuksemburgga qarshi bahsda (6:0) uchta gol muallifiga aylangandi.

Bundan tashqari, Mbappe o'z faoliyatida ilk marta Frantsiya terma jamoasi safida ketma-ket 3ta o'yinda gol urishga muvaffaq bo'ldi.

Kilian "uchranglilar"ning so'nggi 3ta uchrashuvida «gol+pas» tizimi bo'yicha 9 ochko jamg'ardi: 6ta gol va 3ta assist.