Portugaliya terma jamoasi sobiq futbolchisi: "Ronaldu – mashina"

Portugaliya terma jamoasining sobiq futbolchisi Nuno Gomesh hujumchi Krishtianu Ronalduni maqtadi.

"Ronaldu tug'ma sportchi, u musobaqalarda qatnashishni yaxshi ko'radi va butun faoliyati davomida eng zo'r bo'lishni xohlaydi. Ajoyib sport formasi siri esa soatlab mashaqqatli mashg'ulotlarda, har kuni qilgan harakatlarida. Ronaldu - bu mashina", - deydi Gomesh.

Joriy mavsumda 36 yoshli portugaliyalik "qizil iblislar" safida 12 o'yin o'tkazib, 9 gol urdi va 1ta golli uzatmani amalga oshirdi. Bundan tashqari, Ronaldu bu yil Portugaliya terma jamoasi safida 10ta o'yinda maydonga tushib, 11ta gol urgan.