Angliya terma jamoasi 113 yil avvalgi rekordni yangiladi

Angliya terma jamoasi Jahon chempionatining saralash bosqichi doirasida bo'lib o'tgan Albaniyaga qarshi o'yinda 5:0 hisobida qalaba qozondi. Mazkur o'yinda Xarri Keyn xet-trikka erishgan bo'lsa, Jordan Xenderson va Xarri Maguayr o'z hisobiga bittadan gol yozib qo'yishdi.

"Opta" nashri tarqatgan xabarga ko'ra, Angliya 2021 yilda raqiblari davrozasiga 41ta gol urdi. Shu tariqa, "uchsherlar" 1908 yilda qayd etilgan natijani yangilashdi. O'shanda jamoa 39ta gol urgandi.

Angliya 23 ochko bilan "I" guruhida peshqadam bo'lib turibdi. Ikkinchi o'rindagi Polsha hisobida 20 ochko mavjud. Garet Sautgeyt jamoasi so'nggi turda San-Marino bilan to'qnash keladi.

Manba: stadion.uz