Eriksen qachon futbolga qaytishi aniq bo'ldi

"Inter" yarim himoyachisi Kristian Eriksen keyingi mavsumdan faoliyatini davom ettira oladi, deya xabar beradi "La Gazette Dello Sport" nashri.

Ma'lumotlarga ko'ra, 29 yoshli futbolchi Daniyada reabilitatsiya jarayonini davom ettirmoqda. Qayd etilishicha, yarim himoyachi kelasi mavsum “Inter”ni tark etadi va faoliyatini Daniya yoki Niderlandiya chempionatida davom ettiradi.

Eslatib o'tamiz, Eriksen Evro-2020dan o'rin olgan Daniya – Finlyandiya (0:1) uchrashuvining birinchi bo'limida hushidan ketgan edi. Keyinchalik uning yuragi to'xtab qolgani ma'lum bo'ldi.