Suares "Betis" bilan o'yinda jarohat oldi (foto)

"Barselona" hujumchisi Luis Suares "Betis" bilan o'yin oxirida (4:1) maydonni tark etishga majbur bo'ldi.

Urugvaylik futbolchi 90-daqiqada jarohat oldi va Koutinoga almashtirildi.

Suares raqibga pressing qilaman deb o'ng oyog'ini qayirib oldi va yiqildi. U maydonni tark etayotib, jarohat olgan oyog'ini bosa olmadi.

Suares ushbu o'yinda La ligadagi 128-golini urdi va primerada gol urgan urugvaylik futbolchilar orasida Diego Forlan bilan birinchi bo'lib turibdi.