Myuller Germaniyaning eng yaxshi to'purarlar ro'yxatida yuqoriladi

Germaniya terma jamoasi JCh-2022 saralash bahsida Lixtenshteynni mag'lub etdi (9:0). Ushbu uchrashuvda hujumchi Tomas Myuller ikkita gol urdi.

Endilikda 32 yoshli futbolchi terma jamoasi safida 42 ta gol urdi. Bu ko'rsatkich bo'yicha u Mihael Ballakga etib oldi va terma jamoa tarixidagi eng yaxshi to'purarlar ro'yxatida 8-o'ringa chiqib oldi.

Germaniya terma jamoasi safida faqatgina Uve Ziler (43), Karl-Xayns Rummenigge (45), Yurgen Klinsmann (47), Rudi Feller (47), Lukas Podolski (49), Gerd Myuller (68) va Miroslav Kloze (71) ko'proq gol urishgan.