Pol Pogba "MYu"da qolishga rozi, biroq...

"Manchester Yunayted" futbolchisi Pol Pogba klub bilan yangi bitim tuzishga rozi bo'lgan. "MEN"(Manchester Evening News) nashri xabariga ko'ra, frantsuz yarim himoyachisi mavsum yakunlanmasdan turib, "MYu" bilan shartnomasini uzaytirish maqsadida. Ammo masalaning boshqa tarafi ham mavjud.

Pogba yangi shartnoma tuzish orqali APL tarixidagi eng ko'p maosh oluvchi futbolchiga aylanishni niyat qilgan. Manbada ta'kidlanishicha, 28 yoshli futbolchi Manchesterda qolish orqali haftasiga 500 ming funt topishni istaydi.

Boshqa nashrlarda, shuningdek, Pogbaning "Yuventus"ga yo'l olishi mumkinligi aytiladi. Futbolchi uchun "Real" va "PSJ" asosiy da'vogarlar sifatida ko'rsatilgan.