Yaxshiboev Gruziyaga qarshi o'ynamaydi

Ma'lumotlarga ko'ra, futbolchimizning eski jarohati bezovta qilgan.

"Xabaringiz bor, kecha Jasurbek Yaxshiboev terma mashg'ulotlariga kelib qo'shilgan edi. U yig'inga eski jarohati bilan kelgan va o'zini noqulay his qilgan. Tekshiruvlar natijasiga ko'ra, uning Gruziyaga qarshi uchrashuvni o'tkazib yuborishi ma'lum bo'ldi", - deyilgan terma jamoamiz matbuot xizmati tomonidan berilgan rasmiy bayonotda.

Eslatib o'tamiz, Gruziya – O'zbekiston uchrashuvi 15 noyabr kuni Toshkent vaqti bilan 19:00 da Tbilisida o'tkaziladi.

Manba: Telegram.me/FAUzbekistan