Sulsher o'rniga eng munosib nomzod sifatida "Lester" ustozi ko'rilmoqda

"MYu" ustozi Ole-Gunnar Sulsher o'rnini bosish uchun nomzodlar qidiruvi davom etadi. "Mirror" nashri ushbu o'ringa Brenden Rojersni ko'rsatmoqda.

Bu Rojers uchun ham EChLda ishtirok etayotgan jamoani boshqaruvga olishga yaxshi imkoniyat. "Lester" Rojers qo'l-ostida mavsum avvalida Angliya kubogi hamda superkubogini qo'lga kiritgan.

Avvalroq "MYu" rahbariyati Sulsherni bo'shatishga shoshilmayotgani haqida xabarlar tarqalgan edi.