"Vest Xem" futbolchisi Angliya terma jamoasi qarorgohini tark etdi

Angliya terma jamoasi a'zosi Deklan Rays sog'lig'idagi muammolar sabab, Garet Sautgeyt qarorgohini tark etdi. Xabarlarga ko'ra, futbolchi o'zini yomon his qilgan. Shu sabab u o'z klubi, "Vest Xem"ga qaytarib yuborilgan.

24 yoshli yarim himoyachi Angliyaning kelayotgan ikkita bahsini o'tkazib yuboradigan bo'ldi.

Avvalroq, boshqa terma jamoa a'zolari bo'lgan Reshford, Shou, Meyson Mount hamda Uord-Provslarning sog'lig'idagi muammolari sabab, tarkibga jalb etilmagani haqida xabar qilingan edi.