Ayollar OChL. «Bunyodkor-W» 2-turda g'alaba qozondi (videosharh)

Ayollar jamoalari o'rtasidagi Osiyo Chempionatida ishtirok etayotgan “Bunyodkor-W” kecha 2-tur doirasida Iordaniyaning "Amman-W" jamoasiga qarshi bahs olib bordi.

O'yin yakunlanish arafasida hakam VAR murojaat qildi va shu sababli bahs 7 daqiqa to'xtab qoldi. Yakunda referi mezbonlar darvozasi tomon penalti belgiladi va uni hujumchi Dildora Nizomova aniq amalga oshirdi. Ushbu gol "qaldirg'ochlar"ga g'alaba taqdim etdi.

Ushbu g'alaba tufayli "Bunyodkor-W" o'z ochkolarini 3taga etkazib, musobaqada 2-o'ringa ko'tarilib oldi. Jamoamiz so'nggi turda Hindistonning "Gokulam Kerala" klubiga qarshi maydonga tushadi. Bu bahs 13 noyabr sanasiga belgilangan.

Ayollar Osiyo Chempionlar Ligasi. 2-tur
"Gokulam Kerala" (Hindiston) - "Shahrdari" (Eron) - 0:1
Gol: Chatrenur (68)

“Bunyodkor-W” – “Amman SK” - 1:0
Gol: Dildora Nozimova, 90+1-penaltidan - 1:0.