Jasur Yaxshiboev: «Hozirda hujum chizig'ida o'zimni yaxshi his etyapman»

Moldovaning "Sherif" klubi hujumchisi Jasur Yaxshiboev ayni paytda O'zbekiston milliy jamoasi safida mashg'ulotda ishtirok etmoqda. Futbolchi jurnalist Orif Tolipovga bergan intervyusida "Real"ga urgan goli va milliy jamoaga chaqirilishi borasida o'z fikrlarini bildirib o'tdi.

"Real"ga gol urish emotsional jihatdan o'zgacha bo'ldi. "Sherif" chempionlar ligasida o'ynarkan, musobaqa saviyasiga moslashishga harakat qilamiz, mashg'ulotlar shunga mos ravishda olib boriladi.

Milliy jamoaga taklif etilganimdan xursandman. Qo'ldan kelgancha murabbiyning ishonchini oqlashga harakat qilaman.

Belarus chempionatidan boshlab hujum pozitsiyasida o'ynay boshladim. Bu chiziqqa ancha o'rganib qoldim. Hozirda hujumda o'zimni yaxshi his qilyapman", — dedi Yaxshiboev.