"Benfika" Ispaniya gigantidan futbolchi xarid qilishi mumkin

"Benfika" klubi "Barselona" futbolchisi Samyuel Umtiti uchun asosiy da'vogarlar qatoriga kirdi. Portugaliya vakili amaldagi himoyachisi Lukas Verissimoning jarohati sabab uning o'rniga  munosib nomzod qidirmoqda.

"Mundo Deportivo" nashri esa, Umtitini "Benfika" uchun eng mos futbolchi deb belgilagan. Xabarda Umtitining o'yin amaliyotiga ega bo'la olmayotgani sababli, klubdan ketishi mumkinligi aytilgan.

Frantsuz kelasi yili o'tkaziladigan Jahon chempionatiga borishni istaydi. Shu sabab Desham jamoasiga kirishni istasa, qaerda bo'lmasin, doimiy o'yin vaqtiga ega bo'la olishi lozim.