"Real" futbolchisi Xaviga "Barselona"da muvaffaqiyat tiladi

"Real" himoyachisi Daniel Karvaxal Xavining "Barselona" bosh murabbiyi etib tayinlanishi haqida fikr bildirdi.

"Barselona bilan oradagi farq? 2016 yilda Zidan kelganida biz "Barsa"dan 12 ochkoga ortda qolgandik, ammo yakunda bir ochkolik farq bilan mavsumni yakunlagandik. Xavining kelishi kataloniyaliklarga umid baxsh etadi. Garchi u raqib bo'lsa-da, men unga eng yaxshi tilaklarimni tilayman", - deya Karvaxalning so'zlaridan iqtibos keltirgan "Marca" nashri.

Ayni damda "ko'k-anor ranglilar" Ispaniya chempionatining 13 turidan so'ng 16 ochko jamg'arib, turnir jadvalining 9-pog'onasida borishmoqda.