"Liverpul" futbolchisi Firminoning qachon safga qaytishi ma'lum qilindi

"Liverpul" futbolchisi Roberto Firminoning jamoaga qaytish payti aniq bo'ldi. "Athletic" nashri bergan ma'lumotda aytilishicha, braziliyalik hujumchi dekabr oyining o'rtalarida, Rojdestvo bayramidan oldinroq maydonga tushish imkoniyatiga ega bo'ladi.

Roberto YChL doirasida "Atletiko"ga qarshi kechgan bahsda oyog'idan jiddiy jarohat olgan va bir oydan ortiq vaqt mobaynida davolanishi ma'lum qilingandi.

Eslatib o'tamiz, 30 yoshli futbolchi hozirgacha 6 marta raqiblar darvozasini ishg'ol qilishga muvaffaq bo'lgan.