"Napoli" darvozaboni bilan yangi shartnoma imzolamoqchi

David Ospina va "Napoli" o'rtasidagi shartnoma yangilanishi mumkin, bu haqda "Sky Sports Italia" nashri xabar berdi.

33 yoshli posbonning klub bilan tuzgan amaldagi shartnomasi 2021/22 yilgi mavsum yakuniga qadar amal qiladi. Neapolliklar rahbariyati allaqachon Ospinaga yangi shartnoma taklif qilgan. Shuningdek, tomonlar o'rtasida yangi shartnoma borasida muzokara olib borilayotganiga qaramay, vaziyatni Rimning "Latsio" jamoasi diqqat bilan kuzatib bormoqda.

Joriy mavsum kolumbiyalik A Seriyaning 10 o'yinida maydonga tushib, 7ta quruq uchrashuv o'tkazgan.