"Inter" va "Napoli" bir futbolchi uchun kurashadi

Milanning "Inter" jamoasi Neapolning "Napoli" klubi bilan "Kalyari"ning urugvaylik yarim himoyachisi Naitan Nandes uchun kurash olib boradi. Bu haqida "Calciomercato" nashri xabar berdi.

Ma'lumotlarga ko'ra, Italiya grandlari futbolchini qishki transferlar oynasida sotib olmoqchi. Shuningdek, Angliyaning "Vest Xem" jamoasi ham Nandesni o'z safida ko'rmoqchi.

Joriy mavsum, 25 yoshli urugvaylik yarim himoyachi "Kalyari" uchun barcha turnirlarda 11 o'yin o'tkazdi va 1 golli uzatmani amalga oshirdi. Uning klub bilan amaldagi shartnomasi 2024 yilning yoziga qadar amal qiladi.