«Atletiko» Felishning transferi bo'yicha takliflarni ko'rib chiqadi

«Atletiko» hujumchi Joau Felishning transferi bo'yicha takliflarni kutmoqda.

Matraschilar rahbariyatining Felishning o'yinidan hafsalasi pir bo'lgan. Madrid klubi rahbarlarining fikricha, Joau unga kiritilgan sarmoyani oqlamaydi («Atletiko» Felishni «Benfika»dan 120 million evroga sotib olgandi).

Joriy mavsumda Felish Ispaniya La Ligasida «Atletiko» safida 7 ta o'yin o'tkazdi. Yosh hujumchi hisobida 1 ta gol va 1 ta golli uzatma bor.