Messi «Barsa» futbolchisining «PSJ»ga o'tishini istamoqda

«Barselona» chap qanot himoyachisi Jordi Alba faoliyatini «PSJ»da davom ettirishi mumkin. Bu haqda El Nacional xabar tarqatdi.

Manbaga ko'ra, kataloniyaliklar 32 yoshli futbolchini sotib yuborishlari mumkin. Boisi, u maoshining kamaytirilishiga rozilik bermayapti.

Vaziyatni esa «PSJ» kuzatib bormoqda. Parijliklar hujumchisi Lionel Messi klub rahbariyatiga «Barsa»dagi jamoadoshini bir safda ko'rishdan xursand bo'lishini aytib o'tdi.

Albaning bozor narxi 15 million evroga teng. Ispaniyalik futbolchi joriy mavsumda 11ta o'yinda maydonga tushib, 5ta assist muallifiga aylandi.