Xavi "Barsa"ga murabbiy bo'lish maqsadida Braziliya terma jamoasi taklifini rad etgan

Ispaniyaning «Barselona» klubi yangi bosh murabbiyi Xavi futbol bo'yicha Braziliya terma jamoasi boshqaruviga o'tish taklifini rad etganini aytdi.

Kataloniya jamoasi 6 noyabrga o'tar kechasi Xavi tayinlanganini e'lon qildi. Bugun «Kamp Nou» stadionida 41 yoshli mutaxassisning tanishtiruv marosimi bo'lib o'tdi.

- Braziliya futbol konfederatsiyasi bilan muzokaralar olib borildi, - deya Xavining so'zlrini keltiradi The Athletic.
- Tite jamoasiga qo'shilish, uning yordamchisi bo'lish, navbatdagi jahon chempionatidan keyin uning o'rnini egallash haqida gaplashdik. Lekin mening ustuvor vazifam har doim «Barsa»ga murabbiy sifatida qaytish bo'lgan, - deydi ispan mutaxassisi.

Xavi «Barselona» bosh murabbiyi sifatida gollandiyalik Ronald Kumanni almashtirdi.

1998 yildan 2015 yilgacha Xavi «Barselona» futbolchisi sifatida 767 o'yin o'tkazgan va 25 marta chempion bo'lgan. U La Ligada sakkiz, Chempionlar Ligasida to'rt marta g'alaba qozongan.