Ashurmatov O'zbekiston MTJ yig'iniga kela olmaydigan bo'ldi

Xabaringiz bor, O'zbekiston milliy terma jamoasining noyabr oyidagi FIFA kunlari uchun kengaytirilgan tarkibi e'lon qilingan edi.

Rustam Ashurmatov viza bilan bog'liq muammolar sabab bu galgi yig'inda ishtirok etolmaydi. Uning o'rniga «Paxtakor» klubi a'zosi Marlen Chobanov jalb etildi.

Ma'lumot o'rnida, vakillarimiz bugun mazkur yig'in doirasidagi ilk mashg'ulotni o'tkazishadi. Mashg'ulotlar «Paxtakor» stadionida soat 17:15 da boshlanadi va uning dastlabki 15 daqiqasi OAV vakillari uchun ochiq.

Eslatib o'tamiz, ushbu yig'in davomida O'zbekiston milliy jamoasi Gruziya bilan o'rtoqlik uchrashuvida maydonga tushadi. Mazkur bahs 15 noyabr kuni 19:00 da Tbilisi shahridagi «Boris Paichadze» stadionida bo'lib o'tadi.