"Roma"ga "Real" futbolchisi yordam bera oladi

Calciomercato nashri xabariga ko'ra, «Roma» «Real»ning 31 yoshli himoyachisi Nacho Fernandesga qiziqish bildirmoqda.

Qayd etilishicha, «qirollik klubi» futbolchining o'zi Madridni tark etishni istasa, uning ketishiga to'sqinlik qilmaydi. Joriy mavsumda ispaniyalik 11 ta uchrashuvda qatnashib, 1 ta gol urishga muvaffaq bo'ldi.

Tajribali futbolchi 8 million evroga baholanmoqda. 11 turdan keyin «Roma» 19 ochkoga ega, Joze Mourino shogirdlari A Seriyada beshinchi o'rinda bormoqda.