Tuxel: "Ba'zida natija o'yinga yarasha bo'lmaydi"

Angliya Premer-Ligasi 11-turidan o'rin olgan «Chelsi» hamda «Byornli» jamoalari o'rtasidagi uchrashuvda 1:1 hisobi qayd etildi.

Lankastriyaliklar 79-daqiqada Kay Xavertsning goliga javob qaytargan holda «aristokratlar»ning g'alabali yurishiga chek qo'yishdi. Tomas Tuxel ushbu o'yindan keyin o'z fikrlarini bildirib o'tdi.

«Byornli»ning omadi keldi va durang natija qayd etdi, ammo bu futbol. Brentfordda quruq o'yin ko'rsatgan holda omadimiz chopgandi. Shuning uchun ham hamma ushbu o'yiinni sevadi.

Hamma dalillar bilan shuni isbotlashim mumkinki, fantastik o'yin o'tkazdik. Munosabat va shijoatni yoqtiraman. Kontsentratsiya darajasi yoqdi. Qatorasiga etti g'alabadan keyin bu sizga kerak bo'lgan jihatlar".

"Chempionlar Ligasining mehmon o'yinini o'tkazganimizdan keyin «Byornli»ga qarshi o'ynadik. Ular jarima maydoningiz ichiga uzoq to'plarni etkazib berishadi va bularni o'z darvoza atrofingizdan uzoqlashitirishingiz kerak. Birinchi va ikkinsi to'plarni yig'ishga kirishdik. Ko'plab vaziyatlar yaratgan holda bunday o'yinlarni yuqori darajada nazorat qilish maqsadida jamoa bo'lib ko'rinmas ko'p ishlarni amalga oshirishimiz kerak. Shunday ekan, bu fantastik harakat va jamoaviy o'yin bo'ldi. Juda ham xursandman. Ba'zida bugungiga o'xshab futbolda shunaqa bo'lib turadi, kimdir ochkolarni o'g'rilab ketadi. Aytganimdek, Brentfordda gol o'tkazmaganimizda omadimiz kelgandi, «Byornli»ning bugun omadi keldi va natija ko'rsatdi, ammo bu ba'zan sodir bo'lib turadi".

"Ross ushbu kunni uzoq kutdi. Uning boshlang'ich tarkibda tushishi uchun zo'r pozitsiya topdik. U o'yinga katta ta'sir o'tkazdi.

Mashg'ulotlar jarayonini tomosha qilsangiz, Barkli asosiy tarkibda tushishga munosib ekanligini tushunib etasiz. U juda yaxshi o'yin o'tkazdi. Balki, ochkoimiz uning chap oyog'ida bo'lgandir. Unda bo'lgan imkoniyatdan oldin Kallumda, undan oldin esa Tiago Silvada imkoniyat bo'ldi. Ikkinchi golni urib olganimizda, uchinchi yoki to'rtinchi gollarni kiritish uchun katta vaziyatlar sodir bo'lardi, keyin «Byornli» mutlaqo o'yinga qayta olmasdi".