Belgrad-2021. Terma jamoamiz medallar jamg'arish bo'yicha umumiy hisobda nechanchi o'rinni qo'lga kiritdi?

Serbiyaning Belgrad shahrida bo'lib o'tgan boks bo'yicha erkaklar o'rtasidagi jahon chempionati bahslari yakuniga etdi.

Kecha turnirning hal qiluvchi final janglari o'tkazildi va barcha vazn toifalarida musobaqa g'olib va sovrindorlari ma'lum bo'ldi. Yakunda medallar jamg'arish bo'yicha Kuba terma jamoasi 1-o'rinni egalladi. Ularning hisobida 3 oltin va 2 bronza medallari mavjud. 2-pog'onadan qo'shnilarimiz Qozog'iston terma jamoasi o'rin olgan – 2 oltin, 2 kumush, 1 bronza. Kuchli uchlikni AQSh yakunlab bergan – 2 oltin, 2 kumush.

Yurtdoshlarimiz muvaffaqiyatsiz yakunlangan musobaqada 1 kumush, 1 bronzani qo'lga kirib umumjamoa hisobida 10-natijani qayd etishdi.

Eslatib o'tamiz, jahon chempionatida Abdumalik Xalakov kumush medal qo'lga kiritgan bo'lsa, Madiyar Saidrahimov bronza sohibiga aylandi.