Ispaniya terma jamoasida Fatining o'rnini kim egallashi ma'lum

"Espanol" hujumchisi Raul De Tomas Ispaniya terma jamoasiga chaqirildi. Bu haqida mamlakat futbol federatsiyasi rasmiy sayti xabar berdi.

De Tomas jarohat olgan "Barselona" futbolchisi Ansu Fati o'rniga termaga chaqirilgan. Shuningdek, jamoada Kataloniya klubi himoyachisi Erik Garsiyaning ham o'rniga o'rinbosar kerak. Bu borada qaror yakshanba kuni qabul qilinadi.

Eslatib o'tamiz, Ispaniya terma jamoasi o'zining navbatdagi o'yinlarini Gretsiya (11 noyabr) va Shvetsiyaga (14 noyabr) qarshi o'tkazadi.