"Arsenal" futbolchisining qachon safga qaytishi ma'lum qilindi

"Arsenal"  o'z futbolchisi Granit Jaka jarohati yuzasidan bayonot berdi. Ushbu ma'lumot klubning rasmiy saytida e'lon qilindi. Unda shunday deyiladi:

"Granit 26 sentyabrda tizzasidan olgan jarohatidan tuzalishining dastlabki davri muvaffaqiyatli o'tmoqda. Jaka uchun jamoaviy mashg'ulotlarga qaytish Yangi Yilning dastlabki kunlariga mo'ljallanmoqda".

Jakaning yozda "Arsenal"dan ketishi bilan bog'liq mish-mishlar tarqalgan edi. Unga "Roma"dan kuchli qiziqish bo'lgandi.

Shunga qaramay u Mikel Arteta jamoasida qoldi va klub bilan 2024 yilgacha yangi bitim tuzdi.