Gvardiola Jek Grilishning derbida o'ynamaganiga izoh berdi

"Manchester Siti" ustozi Pep Gvardiola derbida nima uchun Jek Grilishni maydonga tushirmaganiga izoh berdi. U bu haqda shunday deydi:

"Biz reja bo'yicha chap qanot hujumida chap oyoq futbolchidan, o'ngda esa, o'ng oyoq futbolchidan foydalanishimiz kerak edi. Shu sabab bugun Grilish zahirada qoldirildi. Futbolchilarimiz birinchi marta bu erda turgani yo'q. Shuningdek, ular hayotida ilk marta derbi yoki muhim bahsda ishtirok etmayapti. Shunga qaramay, bu o'yin ruhiy va hissiy jihatdan barqarorikka erishish uchun bizga juda zarur edi. Jamoamizdagi futbolchilarning hammasi professionallardir. Ular maydonda vazifasiga ko'ra harakat qiladi".