"Napoli" Maradona xotirasiga atab maxsus libos yaratdi

"Napoli" klubi bu mavsumda Maradona xotirasiga atalgan o'zining to'rtinchi raqamli libosini namoyish etdi. Ushbu futbolka oq hamda ko'k ranglar orqali Maradona tasvirini aks ettirgan va futbolchi sharafiga bag'ishlab ishlangan. Libos klubning rasmiy saytida namoyish etildi. Ta'kidlanishicha, "Azzuri"lar liganing keyingi uchta o'yini: "Verona", "Inter" hamda "Latsio"ga qarshi bahslarda aynan "maxsus xotira liboslari"dan foydalanadi.

Eslatib o'tamiz, 2020 yilning 25 noyabrida Diego Maradona yurak hurujidan Argentinaning Tigre shahrida vafot etgandi.