APL. Ronaldu bu safar qutqara olmadi yoxud "Manchester Yunayted" – "Manchester Siti" - 0:2

Angliya chempionatida 11-tur uchrashuvlari bo'lib o'tmoqda.

Turning markaziy bahsi Manchesterda kechdi va unda shaharning ikki jamoasi "MYu" va "Man Siti" to'qnash kelishdi. "Old Trafford"da kechgan o'yin mehmonlarning 2:0 hisobidagi g'alabasi bilan yakunlandi.

Dastlab, bahsning 7-daqiqasida Erik Bayi o'z darvozasiga to'p kiritib mehmonlarni hisobda oldinga olib chiqqan bo'lsa, taym yakunida Bernardu Silva oradagi farqni ikkitaga etkazib qo'ydi. O'yin yakunigacha ushbu hisob o'zgarmadi.

Bu g'alabadan so'ng "Manchester Siti" o'z hisobidagi ochkolarni 23taga etkazib turnir jadvalida 2-pog'onaga ko'tarildi. "MYu" esa 17 ochko bilan 5-o'rinda.

Angliya Premer-ligasi, 11-tur

"Manchester Yunayted" – "Manchester Siti" - 0:2 (0:2,0:0)

Gollar: 7 - Bayi, avtogol (0:1), 45 - Bernardu Silva (0:2).

Manchester Yunayted – De Xea, Bayi, Shou, Lindelyof, Maguayr, Van-Bisakka, Bruno, Maktominey, Fred, Grinvud, Ronaldu.

Manchester Siti – Ederson, Kanselo, Stounz, Diash, Uoker, De Bryuyne, Rodri, Gyundogan, Foden, Bernardu, Jezus.