Vinisius "Real" bilan shartnomasini 2028 yilgacha o'zaytiradi

Madridning “Real” klubi hujumchisi Vinisius Junior Madrid klubi bilan shartnomasini 2028 yilgacha uzaytiradi, deya xabar beradi "ABC" nashri.

Manbaning xabariga ko'ra, hujumchining yangi shartnomasida uning klubdagi yillik maoshi 5,5 million evroni tashkil qilishi ko'rsatilgan.

Qayd etilishicha, Vinisiusning maoshi bonuslar hisobiga sezilarli darajada oshishi mumkin.

Shuningdek, 21 yoshli braziliyalikning "qaymoqranglilar" bilan tuzgan yangi shartnomasida 1 milliard evro miqdorida tovon puli belgilanadi.

Vinisius joriy mavsum “Real” safida 15ta o'yinda maydonga tushib, 9 gol urdi va 7ta golli uzatmaga mualliflik qilgan.