Kavani: "Bu o'yin nimani anglatishini juda yaxshi tushunib turibman"

“Manchester Yunayted” hujumchisi Edinson Kavani Angliya Premer-Ligasi 11-tur doirasidagi “Manchester Siti”ga qarshi uchrashuvdan oldin o'z fikrlari bilan bo'lishdi.

“Bu o'yin nimani anglatishini juda yaxshi tushunib turibman va bu muxlislar hamda klub uchun qanday muhim ekanligini his qilyapman. O'ylaymanki, muhim ahamiyat kasb etadigan o'yinlar bo'ladi, chunki klublar bilan raqobat va katta tarix bo'ladi.

Men faoliyatim davomida bir qancha derbilarda o'ynaganman. Masalan, PSJ – «Marsel». Ushbu bahsda gol ham urishga muyassar bo'lganman. Siz boshingizdan o'tkazayotgan tajribadan rohat olasiz va gol urgan vaqtingizda ishtiyoqni his qilasiz.

O'tgan mavsum derbi o'yini yaqinlashib kelayotgani haqida ma'lumot beruvchi muxlisni ko'rgan edingiz. Lekin, ular menga «Liverpul» bilan bahs ham qanday muhim ahamiyat kasb etishini aytib o'tishgandi. Derbi ham xuddi shunday hissiyot, muhim o'yin ekanligini va unda muxlislar juda ham g'alaba qozonishimizni istashini ulashadigan voqelik hisoblanadi.

“Jamoangizga va shubhasiz yaxshi o'ynashga harakat qiladigan va o'sishda davom etadigan futbolchilarga ishoning. Ushbu ishonchni ular bizga ko'rsatishgan. Biz ularni yaxshi natijalar, og'ir mehnat va g'alaba bilan qaytarib olishimiz mumkin. Shunday ekan, barcha «Yunayted» ishqibozlariga eng yaxshi tilaklarni yuborayapman va bu men ushbu klubda ekanligimdan juda ham mamnunman”.

“Manchester Yunayted” bosh murabbiyi Ole-Gunnar Sulsher: “Bizda afsuski maydonga tushishi so'roq ostida bo'lib turgan futbolchilar bor. Ammo, bu o'yinning bir qismi. Biz ularga imkon boricha vaqt berishimiz kerak, chunki ular qattiq ishlashmoqda va o'zlarining holatlari haqida xulosa chiqarish uchun vaqt berilishini juda istashdi. Barcha texnologiyalarni isga slogan holda Varanni 4-5 hafta ichida qaytarish mumkin. Hozirda Bayi safga qaytdi va bu juda muhim. Bizda bunday holatdan chiqib keta oladigan jamoa bor”.