Boks. JChni oltin medalsiz yakunladik. Halokov kumush medalga sazovor bo'ldi

Belgradda bo'lib o'tayotgan boks bo'yicha jahon chempionatining finaliga etib kelgan O'zbekistonning yagona vakili o'zining so'nggi jangini o'tkazdi. Yosh sportchimiz Abdumalik Halokov (60 kg.)mahoratli Sofian Umiya raqiblik qildi.

Halokov birinchi bo'limda raqibni o'z ritmiga moslashtirishga harakat qildi. Ammo Sofian biroz ustunlikka erishdi va taymni o'z foydasiga hal qildi.

Hakamlarning baholari Abdumalikka ta'sir ko'rsatdi shekilli, u o'z uslubini to'liq namoyish eta olmadi. Frantsiyalik bokschi so'nggi 2 raundda yanada yaxshiroq harakat qilib, JChning oltin medalini sazovor bo'ldi. Hakamlarning baholari — 0:5 (27:30, 27:30, 27:30, 27:30, 27:30).

Shu tariqa, Belgrad shahrida yakuniga etib borayotgan jahon chempionatini terma jamoamiz 1 tadan kumush va bronza medallari bilan yakunladi. Kechagi yarim final bahslari yakunida Madiyar Saidrahimov -92 kg vazn toifasida bronza medaliga sazovor bo'lgan edi.