«Atalanta» Miranchukning o'rniga futbolchi topdi

«Atalanta» qishki transfer oynasida PSVning vingeri Noni Madueke bilan shartnoma imzolamoqchi, deya xabar beradi Soy Calcio.

Manba bergan xabarga ko'ra, Bergama klubi 19 yoshli futbolchini hujumkor yarim himoyachi Aleksey Miranchuk o'rniga o'rinbosar sifatida ko'rmoqda.

Rossiyalik futbolchiga kelsak, ehtimol u yanvarda boshqa jamoaga ijaraga beriladi.

Maduekening bozor qiymati 18 million evroni tashkil qiladi. Joriy mavsumda u 16 ta o'yinda maydonga tushib, 6 ta gol urdi va 1 ta golli uzatmani amalga oshirdi.