"Chelsi" "Barselona" futbolchisini sotib olmoqchi

"Barselona"ning amerikalik himoyachisi Serjino Dest faoliyatini APLda davom ettirishi mumkin, deya xabar berdi "Sport365" nashri.

Ma'lumotlarga ko'ra, "aristokratlar" rahbariyati o'ng qanot himoyachisi hizmatlariga qiziqish bildirmoqda. Jamoa futbolchi uchun 25 million evro taklif qilgan, "ko'k-anorranglilar" esa himoyachini 35 million evrodan kam summaga qo'yib yubormoqchi emas.

Joriy mavsum 21 yoshli Dest kataloniyaliklar uchun La Ligada 11 o'yin o'tkazdi va 3 golli uzatmani amalga oshirdi.