"Chelsi" himoyachisi bilan shartnomani uzaytirdi

"Chelsi" himoyachisi Trevor Chaloba klub bilan amaldagi shartnomasini uzaytirdi. Bu haqida London klubi rasmiy sayti xabar berdi.

Yangi shartnomaga ko'ra futbolchi "aristokratlar" safida 2026 yilgacha to'p surishi kelishib olindi. Uning maoshi va tovon puli haqida hozircha ma'lumotlar aniq emas.

Bu mavsumda 22 yoshli Chaloba "Chelsi" uchun 6 o'yinida maydonga tushib, 2 gol urishga erishdi.