Pioli oktabr oyida A Seriyaning eng yaxshi murabbiyi deb topildi

«Milan» bosh murabbiyi Stefano Pioli oktabr oyida A Seriyaning eng yaxshi murabbiyi deb topildi. Bu haqda liga rasmiy sayti xabar berdi.

Oktyabr oyida «Milan» Italiya chempionatida beshta o'yin o'tkazdi va ularning barchasida g'alaba qozondi.

Stefano Pioli shogirdlari «Atalanta» (3:2), «Verona» (3:2), «Bolonya» (4:2), «Torino» (1:0) va «Roma» (2:1) klublarini mag'lub etishdi.

Ayni damda «Milan» «Napoli» bilan tenglashib, A Seriya turnir jadvalida peshqadamlik qilmoqda. O'n bir turda jamoalar 31 ochko jamg'ardi.