Fakt! «Andijon» hech qachon AGMK maydonida g'alaba qozonmagan

Mazkur qarama-qarshilik tarixida hozirga qadar 21 uchrashuv o'tkazilgan.

AGMK "Andijon"ga qarshi o'yinlarda 13 marotaba zafar quchgan. "Andijon" esa olmaliqliklar ustidan 4 bor g'alaba nashidasini surishga muvaffaq bo'lgan. Mazkur g'alabalarga "Andijon" jamoasi 2008, 2009, 2010 va 2011 yillardagi o'z uyida kechgan bellashuvlarda erishgan. Ya'ni, AGMK Olmaliqda "Andijon"ga hech mag'lub bo'lmagan. Ushbu jamoalar o'rtasidagi qolgan 4 uchrashuvda esa durang natijasi qayd etilgan. Mazkur murosa yo'liga kelingan 3 bellashuvdan ikkitasi (2014, 2016) Olmaliqdagi bahsda sodir bo'lgan. Andijonda esa jamoalar bir marotaba, ya'ni 2014 yilgi mavsumda durang qayd etishgan. Qizig'i, 2014 yilgi mavsumdagi har ikkala bahsda ham g'olib nomi aniqlanmagan.

Shu tariqa mazkur qarama-qarshilikdagi sezilarli ustunlik Toshkent viloyati jamoasi tarafida. To'plar nisbati bo'yicha ham ko'rsatkich tabiiyki AGMK foydasiga xizmat qilmoqda: 42-25.

AGMK — «Andijon» uchrashuvi bugun Olmaliqdagi OKMK sport majmuasida soat 16:00da boshlanadi.