Benzema EChL to'purarlari orasida 4-o'ringa chiqib oldi

«Real» hujumchisi Karim Benzema Chempionlar ligasi doirasida «Shaxtyor»ga qarshi o'yinda (2:1) ikkita gol urdi.

Bu natija 33 yoshli frantsiyalik uchun Chempionlar ligasida 74 va 75-gollar bo'lib tarixda qoldi.

Benzema Chempionlar ligasida 75 ta gol urgan to'rtinchi futbolchi bo'ldi, deya xabar beradi Squawka. Buning uchun unga 134 ta o'yin kerak bo'ldi.

Chempionlar ligasining eng yaxshi to'purari Krishtianu Ronaldu (139 ta gol). Undan keyingi o'rinlarda Lionel Messi (123) va Robert Levandovski (81) bormoqda.