«Arsenal»ning qishki transfer maqsadi kimligi ma'lum

Londonning «Arsenal» klubi qishki transferlar oynasidagi ilk xaridini amalga oshirishga qaror qildi. Daily Star nashri xabariga ko'ra, asta-sekin grandlar safiga qo'shilayotgan ingliz klubi «Real»ga tegishli bo'lgan serbiyalik hujumchi Luka Yovichni sotib olish haqida o'ylamoqda.

«Kanonirlar» hujumchini keyinchalik sotib olish imkoniyati bilan ijaraga olishni mo'ljallamoqda. Mikel Arteta boshchiligidagi murabbiylar shtabi bu kelishuvni qo'llab-quvvatlamoqda. Klub Yovich yaqin orada sotilishi mumkin bo'lgan hujumda Aleksandr Lyakazetning o'rnini bosa oladi, deb hisoblamoqda.

«Qirollik» klubida Luka zaxira o'yinchisi hisoblanadi. U raqobatda Vinisius Junior va Karim Benzemaga yutqazadi.