Dembele «Barselona» bilan shartnomasini uzaytirmoqchi

«Barselona» hujumchisi Usmon Dembele klub bilan shartnomasini uzaytirmoqchi, deb xabar beradi Sport.es.

Manbaga ko'ra, 24 yoshli frantsiyalik futbolchi o'z agentidan yangi shartnoma imzolash jarayonini tezlashtirishni so'ragan.

Kecha, 2 noyabr kuni Dembele 2021/22 yilgi mavsumda ilk bor maydonga tushdi. Frantsiyalik futbolchi Kievning «Dinamo»si bilan Chempionlar ligasi o'yinida zaxiradan maydonga tushib, 25 daqiqa harakat qildi va samarali harakatlari bilan ajralib turmadi.

Futbolchining amaldagi shartnomasi 2022 yilning iyun oyi oxirigacha amal qiladi.