Xavi «Barselona» rahbariyatidan Pol Pogbani sotib olishni so'ramoqda

«Barselona» bosh murabbiyligiga nomzod Xavi rahbariyatga «Manchester Yunayted» yarim himoyachisi Pol Pogbani jamoada ko'rmoqchi ekanligini aytdi, deb xabar beradi El Nacional.

Xavi ayni damda «AS-Sadd» jamoasini boshqarmoqda. Ispaniya klubi u bilan muzokaralar olib bormoqda.

Frantsiyalik futbolchining «Manchester Yunayted» bilan shartnomasi 2022 yilning yozida yakuniga etadi. Transfermarkt portali Pogbaning narxini 60 million evroga baholamoqda.

Angliya chempionatining 2021/22 yilgi mavsumida 28 yoshli futbolchi 9 ta o'yin o'tkazib, 7 ta golli uzatmani amalga oshirdi.