Belgrad-2021. Mirzahmedov qozoq bokschisiga yutqazdi va yarim finalga chiqa olmadi

Serbiyadagi boks bo'yicha jahon chempionatida chorak final bahslari boshlandi. Eng engil vazn toifasidagi (48 kg.) sportchimiz Nodirjon Mirzahmedov yarim final yo'llanmasi uchun qozog'istonlik Temirtas Jussupovga qarshi ringga ko'tarildi.

Qo'shni yurt vakili ikkinchi raqamli taktikani tanladi. U ring bo'ylab ortga tisarilgan holda, asosan qarshi hujumda harakatlandi. Nodirjon esa uning bu taktikasi u qadar moslasha olmadi va o'zi istagan darajada ko'p zarba bera olmadi. Hakamlar barcha raundlarda Jussupovning ustunligini qayd etishdi — 0:5 (27:30, 27:30, 27:30, 27:30, 28:29).

Shu tariqa, Mirzahmedov JChni medalsiz yakunlaydigan bo'ldi.