"Aston Villa" ham "Roma"ning sobiq murabbiyi uchun da'vogarga aylandi

"Aston Villa" Din Smit o'rniga yangi murabbiy  sifatida Paulo Fonseka variantini ko'rib chiqmoqda. "Daily Mail" nashriga ko'ra, Fonseka va klub rahbariyati o'rtasida norasmiy muloqotlar bo'lib o'tgan.

Hozirda Birmingem klubining turnir jadvalidagi ahvolini qoniqarli deb bo'lmaydi. Jamoa Smit qo'l-ostida so'nggi ikkita uchrashuvda yirik mag'lubiyatlar qabul qilib oldi. Shu sabab, "Aston Villa" rahbarlari yangi murabbiy uchun harakat qila boshlagan.

Fonseka may oyidan buyon ishsiz hisoblanadi. Unga yaqin orada "Nyukasl" jiddiy qiziqayotgandi. Shuningdek, "Tottenxem" ham Nunu o'rniga Fonsekani olib kelishi bilan bog'liq xabarlar mavjud.