Nagelsmannning "Benfika"ga qarshi o'yinda "Bavariya"ni boshqarishi so'roq ostida

Bild nashrining xabariga ko'ra, 34 yoshli germaniyalik mutaxassis Chempionlar ligasi guruh bosqichi 4-turi doirasidagi "Benfika"ga qarshi o'yingacha kasallikdan forig' bo'lishi mumkin.

Xabar qilinishicha, bugun, 1-noyabr kuni Nagelsmann bu masalada hal qiluvchi ahamiyatga ega bo'lgan navbatdagi PTsR testidan o'tadi. Agar natijalar salbiy bo'lsa, u holda mutaxassis yana jamoaga qo'shilishi mumkin bo'ladi.

Eslatib o'tamiz, "Bavariya" - "Benfika" uchrashuvi 2 noyabr seshanba kuni Myunxenda bo'lib o'tadi.