Messi: «Barselona» mendan bepul o'ynashni so'ramadi»
/ Kiritdi: BestMaster Ko'rilgan: 195
«PSJ» hujumchisi Lionel Messi «Barselona» o'zidan bepul o'ynashni so'ramaganini aytib o'tdi.
«Men jamoada qolish uchun qo'ldan kelgan barcha ishni qildim, ammo mendan bepul o'ynashni so'rashmadi. Mendan maoshni 50 foizga kamaytirishni so'rashdi, men bunga muammosiz rozi bo'ldim. Bundan keyin ham jamoaga yordam berishga tayyor edim. Men va mening oilam Barselonada qolishni istagandik.
Hech kim mendan bepul o'ynashni so'ramadi, ammo Laporta aytgan so'zlar o'rinsiz. Uning so'zlari qalbimga og'ir botdi hamda odamlarda menga nisbatan shubha uyg'otdi. Men esa bunga loyiq emasman», — dedi Messi.
Eslatib o'tamiz, Messi «Barselona»dagi moliyaviy feyr-pley bilan bog'liq muammolar tufayli klubdan ketishga majbur bo'ldi. Argentinalik futbolchining o'zi faoliyatini "Barsa"da yakunlash niyati borligini bir necha marta ta'kidlagan edi.
Bosh sahifaga
219