«Betis» va «Roma» Daniel Sebalosni sotib olmoqchi

«Betis» va «Roma» «Real»ning ispaniyalik yarim himoyachisi Daniel Sebalosni sotib olmoqchi, deb yozadi jurnalist Nikolo Skira.

Manbaning xabariga ko'ra, futbolchi o'yin amaliyotiga ega bo'lmagani uchun qishda Madrid klubini tark etishga tayyor. «Betis» futbolchining transferi ustida ishlamoqda va «Real Madrid» rahbarlari bilan futbolchini keyinchalik sotib olish varianti bilan ijaraga berish masalasini muhokama qilmoqda. Biroq, «Real» yarim himoyachini sotmoqchi.

«Roma» ham Sebalosni ijaraga olishga tayyor, klublar muzokaralar olib bormoqda.

Joriy mavsumda futbolchi «Real Madrid»ning birorta o'yinida ishtirok etmadi. Futbolchining narxi 20 million evroga baholanmoqda. Uning klub bilan shartnomasi 2023 yilning 30 iyuniga qadar amal qiladi.