"Barselona"da muxlislar tashrifi bo'yicha so'nggi 20 yillikdagi eng yomon ko'rsatkich qayd etildi

Ispaniya chempionatining 12-turidan o'rin olgan uchrashuvda "Barselona" "Alaves"ni qabul qildi (1:1).

Ma'lumotlarga qaraganda, o'chrashuvni tomosha qilish uchun stadionga 37278 nafar muxlis kelgan. Bu jamoa uchun so'nggi 20 yillikdagi eng yomon ko'rsatkich bo'ldi. "Kamp Nou" stadioni o'z bag'riga 99354 nafar tomoshabinni sig'dira oladi.

Bundan avvalgi antirekord 2001 yil 11-noyabrda "Valyadolid"ga qarshi o'yinda qayd etilgan. O'shanda tribunadan turib bor yo'g'i 30000 kishi o'yinni kuzatgan.