Legionerlarimiz. "Sherif" g'alaba qozondi. Yaxshiboev maydonga qaytdi

Moldova milliy ligasida 16-tur uchrashuvlari bo'lib o'tdi.

Hamyurtimiz Jasur Yaxshiboev sharafini himoya qilayotgan "Sherif" jamoasi bu turda "Petrokub" mehmoni bo'lib 0:2 hisobida g'alaba qozondi.

Uchrashuvdagi gollarga "Sherif" safida Sebastan Till va Halid Basit mualliflik qildi.

Yurdoshimiz Jasur Yaxshiboev o'yinning 57-daqiqasida zahiradan maydonga tushdi va samarali harakatlar amalga oshira olmadi.

Moldova milliy ligasi, 16-tur

"Petrokub" – "Sherif" - 0:2 (0:1,0:1)

Gollar: 32 - Sebastan Till (0:1), 90 - Basit (0:2).

"Sherif" – Atanasiadis, Traore (Jasur Yaxshiboev 56), Till, Petro, Krishtianu, Kolovos, Kastaneda, Dulanto, Arboleda, Basit, Addo.